فعـلاً أول مـرة أصـدق ما يحـدث في المسلسلات !
الســالفة ,,
كل ما شفت في مسلسل واحد يحلم ويقوم من الحلم وهو يصـرخ وبعدها يشرب مـويـه ويقول ( بسم الله الرحمن الرحيم , هو ايـه الى قـرى ؟ ) اقول اطلع من مخي بالله انت ونظامك ,,
اللى حصل يا جماعة ان الموقف بالفعـل صـار لي أمس!
من فتـرة طويلة اول مـرة انام الساعة 8 و نـص يعني بعد صـلاة العشـا مبـاشرة , وقتها ما كنت متعشي بس كنت شبعـان قريت المعوذات وآية الكرسي ونمت !!
بعد فتـرة قصيـرة من النوم حلمت :
“اني انـا وواحد من الاصدقاء مسـافرين لأمريكـا , كنا نمشي بالسيارة فوق جسر تحته مويـه , الجسـر كان ظلام وسيارة صديقي ما فيهـا أنـوار , فجـأة صديقي يحسب ان في لفه على اليمين في نفس الجسـر , الاخ لف السيارة الا فجـأة السيارة على طول طـاحـت في المـويــه !! انـا خفت في الحلم بشكل غير طبيعي لان عارفين اذا دخلت السيـارة في الـمويه مستحيل يفتح الشباك والباب لأن المـويه مسويه ضغـط على الباب يعني ( الموت ) بيكون في السيارة …
في نفس اللحظة انا احس بصوت المويه في اذني وابي اطلع بسرعة من السيارة انا كاتم نفسي علشان ما اتنفس المويه , اللحظة هذي انا عرفت اني في حلم ,, ابي اقوم ما اقدر يدي مثبته وراسي مثبت احاول اقوم وانا كاتم نفسي خلاص ( بموت ) فجـأة قدرت أقــوم بس بطريقة نفس اللى تكون في المسلسلات ( بصرخة ورأس مرفوع لفوق وجلست اتنفس وكأني طالع من الغـرق حقيقي ) !!
بصـراحة لولا لطـف الله ولا كـان الحين انا في عــداد ( الـ … )
الحمـد لله على كـل حــال , و يــارب ما تمّـر عليكم مثل هالاحــلام 
…